Greyton kuier

Sondag die 29ste September het ons bietjie by Gideon en Chandre gaan braai vir die dag. Dit was een van die 1ste sonskyndae van die lente en het heerlik in die son gebraai!!

Het heerlik gekuier met biltong, sjokolade, chippies en eers 5uur die middag gebraai omdat dit so 'n lekker sonskyndag was. Die kinders en die honde het hulle gate uit geniet. McGyver is glads saam genooi vir die braai omdat daar 'n maatjie vir hom was. 'n 4maande oue worsie wat hom leka opdraend gegee het. Hulle het gespeel dat die tonge glads op die gras gesleep het. WP moes vir M kom bad toe ons by die huis kom!!

Chandre het vir George 'n stuk drop gegee waaroor hy mal is - en dit is die prentjie as hy kla geëet is!!

Weet nie wie dit meer geniet het op die wiel nie, WP of Christiaan??

Zene - My eerste bad by ouma

Ons geniet ons gate uit in Ouma se bad - dit was haar 1ste bad in ouma se huis!!

Kyk hoe kyk sy vir my....

Nerina 40jaar Reunie - Dinee

Die Chinese tema van die oggend het oorgedra na die aand. Daar was heelwat minder Nerina dames die aand by die dinee, maar tog heerlik om dan meer intiem met van die mense te gesels.

Daar is kort-kort gehap, gesmul en gepeusel - die Chinese eet mos klein porsies maar baie!!

Die vermaak is verskaf deur 2 huidige dames wat bietjie die Jazz klanke laat oplewer het. 'n Voorwaar heerlike geleentheid om die naweek te beëindig!!

Ekke, Wineen en Yolandi

Dit lyk my die Chinese tema het my aangetas, want hier lyk ek nes ene!!

Nerina 40jaar Reunie - Tuinparty

Die tradisionele tuinparty van Nerina was nog altyd 'n groot sukses met die 3jaar wat ek in die koshuis gebly het. En hierdie oggend was geen uitsondering nie. Die Reunie komitee het hulself oortref met die dekor, kos en geskenkies danksy 'n groot borg van Plascon.

Die eetsaal is omskep in 'n Chinese paradys en kon skaars glo dis dieselfde plek waar ek elke dag se etes geëet het tydens my tyd in Nerina.

Chinese dames het geloop met Aarbeie en sjokolade om die smaakkliere so 'n bietjie te tem

Chinese dames het ons ingewag in die Chinese paradys

Die eetsaal - 'n Chinese paradys met die wonderlikste soetgoed wat daarmee gepaard gaan!!

Ons groepie van Eerstejaar 2000. Was nogal min van ons jaargroep...

Nerina 40jaar Reunie - Huisvergadering

Die naweek van die 12de tot die 14de September het ons Reunie gehou. Ons alma mater Stellenbosch koshuis, Nerina, word 40!! 'n Fees van gebeure sou oor die verloop van die naweek gebeur en alle ou stories, geheime, gebeure sou vertel word.

4 van ons vriendinne het besluit om die hele naweek mee te maak en was dit heerlik om weer 'n "girls weekend" te kon hê!

Die Vrydagaand het die koshuis ons verwelkom met skemerkelkies en snacks - van sushi, hoenderboudjies, broodjies, wraps te kies en te keur.

Na al die "Hallo's" en "Hoe gaan dit's?" en "Kan nie glo hoe jy lyk nie!" het al die dames deurbeweeg na die ontspanningsaal waar ons huisvergadering gehad het. Dit is geopen deur Mev Rabie, die 1ste inwonende hoof van die koshuis, en nou al 82 jaar oud!!

Stories is uitgeruil, daar is gedans(op die tafels), gesing ( met Adamsappel wat ons vermaak het) en sommer net lekker gekuier. Die huisvergadering het redelik vroeg verdaag sodat ons genoeg beauty sleep kon inkry vir die vroeg opstaan more oggend.

VLNR: Carla, Nicolet, Lize-Marie en Ekke

Kaap van Storms

Einde Augustus was die Kaap in stormweer gedompel. E-mails het rond gegaan met al die gure weer se skade wat dit aangerig het. Hier is maar net 'n paar van daardie storm naweek!!

Dit is foto's van die Strand se Hoofweg